Pse? dhe Si? U formua Forumi rinor dollogozhdar

Dollogozhda tashmë e ka një forum rinor. Fjala forum përmban këtë kuptim: mbledhje e gjerë e përfaqësuesve të fushave të ndryshme të veprimtarisë shoqërore me karakter kombëtar a ndërkombëtar, ku shqyrtohen çështje të rendësishme. Pas këtij hapi të parë që e bëri rinia dollogozhdare hapi i ardhshëm është; formimi i një organizate të rinisë dollogozhdare. Fjala organizatë dmth. Bashkim shoqëror, që ka qëllime të caktuara, zhvillon veprimtari të rregullt dhe vepron sipas normave të vendosura në statutin ose në rregulloren e vet. Me pak fjalë mund të themi se: Organizatë është një grup njerëzish të organizuar.

Ditëve të fundit ka pasur shumë thashethëme në lidhje me motivin apo nxitjen se si u nis kjo iniciativë për formimin e këtij organizimi të rinisë dollogozhdare. Ne dëshirojmë që nëpërmjet këtij artikulli të pasqyrojmë sa më qartë motivin dhe statusin e FRD-së (Forumit rinor dollogozhdar), që tashmë do të funksionojë si organizatë rinore. Sigurisht që, për çfardollojë iniciative me karakter organizativ shoqëror gjithmonë duhet të ekzistojë një revoltë te qytetarët apo një interes i përbashkët. Dhe ishte pikërisht kjo revoltë apo pakënaqësi e rinisë dollogozhdare, e cila e zhgënjyer tashmë nga një pritje e gjatë që bëri duke besuar se një ditë rinia do të ketë “Sallë rekreativo sportive” apo diçka të këtij lloji, që do të vinte si përfitim apo si një borxh që ia ka Komuna e Strugës f. Dollogozhdë, ajo që nxiti rininë të organizohet në një mbledhje ku do të shqyrtoheshin përfitimet e mundshme me rastin e zgjedhjeve. Të bindur në përfitimet e mundshme që do të mund t’i shfrytëzonim në këtë mënyrë, filloi edhe lëvizja e parë me një mbledhje që u mbajt në lokalet e Shkollës fillore “Nuri Mazari”. Me ç’rast nuk u vonuan edhe ofertat që vinin tërthorazi në adresë të rinisë dollogozhdare nga individë të caktuar të partive tona. Por si gjithmonë, duke qenë të vetëdijshëm dhe duke e ditur mirë që jo vetëm sot por edhe më herët, Dollogozhda si fshat por sidomos rinia e saj ka ditur çka të jap dhe çfarë të marr kur ka qenë në pyetje çështja kombëtare dhe kur jemi këtu duhet të cekim apo kujtojmë edhe atë se kush ka qenë Dollogozhda: Dollogozhda sa për kujtesë ishte i vetmi fshat i rrethit të Strugës që gjatë kohës së luftës së 2001-shit, i dhuroi rradhëve të Ushtrisë çlirimtare kombëtare (gjithashtu edhe Ushtrisë çlirimtare të Kosovës, ndërkohë që shumë kosovarë vijnin për strehim në Dollogozhdë) disa djem të cilët u inkuadruan në luftë frontale drejtpërsëdrejti, poashtu në të njejtën kohë edhe shumë të tjerë të cilët ishin të rekrutuar apo vullnetarë të gatshëm; duke mos mohuar edhe kontributin e mërgimtarëve dollogozhdar besoj se nuk ka se çka të thuhet më tepër për Dollogozhdën. Këtë e cekim për të treguar atë se edhe kësaj radhe rinia dollogozhdare edhe pse e revoltuar dhe e zhgënjyer nga Komuna e Strugës për të mos i prishur punë interesit kombëtar (meqë Komuna e Strugës rrezikon të humbet dhe të merret nga maqedonasit), forumi reagoi në një mënyrë të tillë që ia vlen të lëvdohet dhe t’i dihet për nder. Ishte pra ky hap i rendësishëm i forumit që lehtësoi ecjen normale të punës parazgjedhore në rrethinë, por duke mos i lënë anash interesat e veta të përbashkëta me qëllim që këto pas zgjedhjeve të Marsit të 2009-tës të realizohen sa më shpejtë që të jetë e mundur. Eventualisht nëse shtrohet pyetja se çfarë është dhe se çfarë mund të bëjë FRD-ja , secili duhet ta ketë të njohur se në Dollogozhdë ka potencial të mjaftueshëm intelektual rinor të cilët tashmë vetëm se janë të organizuar për interesa të përbashkëta, FRD-ja ka zyrën e saj, ka statusin e saj: është organizatë e formuar me vetëiniciativë dhe vetëpërmbajtje të rinisë dollogozhdare, jopartiake joqeveritare që do të mbrojë dhe punojë për interesat e vetë fshatit qoftë në aspektin material poashtu edhe në atë kulturoro-ekonomik e shpirtëror. Ka si vizion te sajë që të largojë dukuritë negative që ndodhen në mesin tonë dhe të ofrojë ato gjëra që janë në interes dhe të mirë të të gjithëve. Pranon antarë të të gjitha fushave të ndryshme që do të pajtohen në përpikshmëri me statusin dhe vizionin e saj. Dhe për fund, gjithmonë duhet që të ketë një shkak apo një faktor që të nxis një lëvizje të gjërë popullore shoqërore, edhe kjo lëvizje e rinisë dollogozhdare e pati një shkak që nxiti dhe që bëri rininë dollogozhdare të mendojë për vetën dhe fatin e sajë në të ardhmen. Nëse në një vend apo në një kohë shtrohet pyetja se ku janë intelektualët apo burrat e mençur, aty mos kërko se nuk ka, sepse intelektualët apo burrat e mençur nuk presin që t’i kërkoj për t’i gjetur dikush tjetër, ato gjithmonë dalin vetë në skenë! Që do të thotë: secili që e ndien veten se është dollogozhdar dhe ka paksa përgjegjësi morale si detyrim që të kontribojë për vendlindjen e vetë le të vijë dhe le t’i bashkangjitet radhëve të kësaj organizate qoftë në mënyrë personale, individuale qoftë edhe duke i ndihmuar me mjete financiare. Mëshira, paqja dhe bekimi i Zotit qoftë mbi ne.